أبوس راسك يا زمن .. ماعاد فيني للجراح

أبوس راسك يا زمن .. ماعاد فيني للجراح
خلاص يكفيني أسى .. أبوس راسك يا زمن

يا مكثر ذنوبك معي .. ما كل ذنب لك يباح
لامن زعلت وش تستفيد .. وش مكسبك من ذا الحزن

استسلمي يا عزتي لا صارت أيامي سلاح
وكان نفسي أسعدك بس الليالي طولن

شعار دنياي الصبر وشعارها الدنيا كفاح
لاقلت يوم وتستوي .. مرت سنين وما استون

والله اني مقتنع باللي يصيب من الرماح
اصغر رماحك صابني يوم أكبر رماحك طعن

وفوق هذا ما سلمت .. انا اسمح ولا ألقى سماح
كلن يمن بجيته .. حتى الدمع لا جاء يمن

حاولت انا أشعل شمعتي بس المصيبة في الرياح
لا هي باللي نورن .. ولاهي باللي انطفن

اخترت في الدنيا ثلاث .. الستر وانصاف وصلاح
وكرهت في الدنيا ثلاث .. لا ولايمكن ولن

وحبيت في الدنيا ثلاث الفن وأمي والصباح
وحلفت لا ما أخون الثلاث أنتي وجاري والوطن

شعر .. مساعد الشمراني
__________________

صح لساااااانه

مشكوره اختي على النقل الرائع ^_^

شاكرة لج على تواجدج الطيب

شكرا عالنقل الرهييييييييييب
مشكووره الغلا ونرقب اليديد

يسلمووو عزيزتي على مرورج الطيب